Энэтхэгийн соёлын тухай авч үзэх нь….

Энэтхэг эртний соёл иргэншлийн төв болсон  6000 гаруй жилийн өвөрмөц түүх соёл иргэншил бүхий орон билээ. 6000 жилийн түүх гээд л бодоод үзэхэд ямар их зүйлийг бичиж болох нь ойлгомжтой. Гэхдээ Энэтхэг соёл дэлхийн олон сая хүн амд хэрхэн нөлөөлж байгаа талаар бичих нь илүү тус сэдэвт зохилдоно.

Энэтхэг эрт үеэс соёлын баялаг уламжлалтай орон. Уран барилга, утга зохиол, хөгжим, гүн ухаан, бүжгийн урлаг нь олон үндэстний арвин өвтэй. Уран барилга нь 2000 гаруй жилийн тззхтэй, хинду, лал, будда, жэйн шашны уран барилга зонхилно.

Уран барилгад чулууг өргөнөөр ашигладаг. Ертөнцийн гайхамшиг Таж Махал тус орны уран барилгын уламжлалыг илтгэн харуулна. Манай эринээс 1500 гаруй жилийн өмнө Энэтхэгт самгарди хэл дээр утга зохиол хөгжиж, шашин, зан үйлийн ном зохиол, жүжиг, ардын үлгэр, яруу найраг ихээхэн туурвижээ.

Монголын үндсэрхэг бүлгүүдийн талаар дэлхийн телевизүүд мэдээлсээр байна

Өнгөрсөн саруудад дэлхийн олон телевизээр “Монголд нацизм өндийж байна” нэртэй Монголын үндэсний үзэлт бүлгүүд өндийж байгаад санаа зовиносон мэдээллүүд цацагдаж байсан. Саяхан мөн BBC, Синьхуа агентлаг болон Гонконгийн телевизүүдээр энэ талаар мэдээлжээ.
Нийслэл Улаанбаатар хотын өндөрлөг цэг болох Зайсан толгой дээр Дэлхийн 2р дайнд амиа алдсан Зөвлөлтийн дайчдыг дурсдаг. 60 гаруй сая хүний амийг авч одсон цуст дайнд ЗХУ нацист Германыг буулгаж авахад Монголчууд тусласан. 20-иод жилийн өмнө Москвагийн нөлөө Монголд маш хүчтэй байсан. Харин өнөөдөр шал өөр дүр зураг харагдаж байна. Хятадын армийн генерал Монголын Батлан хамгаалах салбарт 3 сая долларыг өгөхөөр болж гарын үсэг зурсан.

Харин энэ дүүрэгт амьдардаг зарим “Үндсэрхэг залуус” Хятадыг ач тус гэхээсээ илүү Монголчуудын амьдралын хэв маягт заналхийлж байна гэж үздэг байна. Хэрэв Монгол бүсгүй Хятад хүнтэй унтвал энэ бүсгүй шиг үсээ хусуулах хувь заяа хүлээж байна гэдгийг нийгэмд анхааруулсан байна. Энэ нь цөөн Монголоо Хятадуудаас хамгаалах гэж тэмцэж байгаа үндсэрхэг бүлгүүдийн арга барил юм.

“Даяар Монгол” хөдөлгөөний тэргүүн З.Эрдэнэбилэг BBC –гийн сурвалжлагч миний биетэй уулзахдаа үндэсний дээл өмссөн байв. Түүнийхээр бол “Даяар Монгол” хөдөлгөөн нь “Нацист” бүлэг биш. Харин Үндэсний үзэлт бүлэг юм байна. Тэрээр эмэгтэйчүүдийн үс хуссан үйлдлээ зөвтгөн яарьж байна. Тэрээр “Би бол зөв гэж үзэж байгаа. Хэрэв Монголын олон нийтээс санал асуух юм бол дийлэнх нь зөв гэж үзэх байх” гэжээ.

Тэдний үзэж байгаагаар Монгол үндэстэнд аюул тулгараад байгаа юм байна. Тэдний нэг : “Бид нацистууд биш!

В. Черчилл-ийн хэлсэн үгс

Энэ удаа ОУХ-ны түүхийн олон олон шинэ хуудсыг бичилцсэн В.Черчиллийн Quote-нуудыг та бүхэнд хүргэж байна.

“Шог яриа, онигоо гэдэг бол үнэндээ хамгийн нухацтай хандах шаардлагатай зүйл”

“Гутранги үзэлтэй хүн ямар ч боломжоос дандаа бэрхшээлийг нь олж хардаг бол өөдрөг үзэлтнүүд ямарч бэрхшээлтэй асуудлаас дандаа боломжыг олж харж байдаг.”

“Бүхий л агуу зүйлс энгийн байдаг бөгөөд тэдгээрийн ихэнхи нь ганцхан үгээр л илэрхийлэгдэж байдаг:  эрх чөлөө (freedom), шударга ёс (justice), нэр хүнд (honor), үүрэг хариуцлага (duty), уучлал (mercy), найдвар (hope).”

“Хэдий зовлон зүдгүүрт бэлэн байсан ч би түүнийг хойшлуулахыг эрхэмд үзнэ.”

Аль Кайда бүлэглэлийн тухай толилуулж байна-2

Байгууллагын бүтэц

Хэдийгээр одоогийн Ал Кайдагийн бүтэц зохион байгуулалтын тухай мэдээлэл тодорхой бус ч гэсэн АНУ Жамал ал-Фадлаас олж авсан мэдээллийн дагуу энэ байгууллагын хэрхэн тогтдог талаархи бүдэг бадаг мэдээлэлтэй болж авсан.

Удирдагчид

Осама Бин Ладен нь эмир бөгөөд Ал-Кайдагийн үйл ажиллагааны ахлах удирдагч тэргүүн юм. Бин Ладенг Өрнөдийн албаны 20-оос 30 хүнээс бүрдсэн Ал-Кайдагийн ахлах мэргэжилтингүүдийн ШУРА-гийн Зөвлөлөөс санал болгожээ. Аяман Ал-Завахири бол Ал кайдагийн дэд тэргүүн Осамагийн туслах юм. Абу Мусаб ал-Заркави Ирак дах Ал Кайдагийн ахлах тэргүүн байсан боловч нууц байр нь бөмбөгдөлтөнд өртсөний улмаас нас барсан учир Абу ал-Масри түүний халааг авсан.

Аль Кайда бүлэглэлийн тухай толилуулж байна…

Юуны өмнө эрхэм зочин таны энэ өдрийн амгаланг айлтгая. Энэ удаа миний бие та бүхэнд олон улсын алан хядах бүлэглэл болох Аль Кайдагийн талаар мэдээллийг цувралаар хүргэхээр бэлтгээд байна. Ер нь монгол цахим хуудсуудаар хайгаад үзэхээр Аль Кайда бүлгийн талаархи өдөр тутмын сонин сэтгүүл дээрхи мэдээллүүд л байдаг болохоос биш яг Аль Кайдагийн түүх, бүтэц зохион байгуулалт, үйл ажиллагаа гэх мэт нарийн мэдээллүүд байдаггүй юм байна лээ. Тийм учраас энэхүү орчуулгын материалаа та бүхэнд хэрэг болно байх гэж найдаж байна.

Түүх

Судлаачид үзэхдээ Алькайда бүлэглэлийн түүхэн хөгжлийг 5 үед хуваан авч үзэж байна.

• 1980-аад оны сүүлчээр буюу эхлэл үе
• 1990-1996 он буюу өршөөлгүй үе
• 1996-2001 он буюу хөгжил цэцэглэлийн үе
• 2001-2005 он буюу цахим сүлжээний эрин
• 2005-өнөөг хүртэлх буюу хагарлын үе

Алькайда бүлэглэл Пакистанд анх байгуулагдсан нь

1988 оны 8 сарын 20-нд Бин Ладины хийж байсан уулзалтуудын тэмдэглэлүүдээс харахад Алькайда бүлэглэл тэр үедээ албан ёсны бүлэглэл байсан нь харагдаж байгаа юм.

Энэтхэгийн Мэдээлэл Технологийн үйлдвэрлэл

Энэтхэгийн хурдацтай хөгжиж буй салбаруудын нэг нь яах аргагүй Мэдээлэл Технологийн салбар билээ. Энэтхэгийн Мэдээлэл технологийн салбар дэлхийн зах зээлд өөрийн өндрөөр үнэлэгдэх бренд имижээ аль хэдийн бүрдүүлж сайжруулж чаджээ. Энэтхэгийн Мэдээлэл Технологийн салбар нь Программ хангамжийн үйлдвэрлэл болон Мэдээлэл Технологийн үйлчилгээ (ITES ер нь бол аутсорсыг хэлээд байх шиг байгаа юм) гэсэн 2 салбараас бүрддэг. Энэтхэг нь программ хангамжийн хөгжлийн суурийг тавьсан гэж үздэг төдийгүй Мэдээлэл Технологийн үйлчилгээний хамгийн тохиромжтой (дуртай талархал хүлээсэн) газар гэгддэг.

Энэтхэгийн МТ салбар нь анх 1974 оноос хойш үндэс сууриа тавьсан гэж үзэж болох бөгөөд анх нилээн таагүй орчинд үүссэн байна. Тухайн үеийн Энэтхэгт зах зээл гэгч байхгүй байсан бөгөөд ЗГ бодлогоор хувийн хэвшилийг хяхан хавчдаг байжээ. Ийнхүү хилийн чанд дах олон улсын МТ-ийн пүүсүүдэд программчдыг зуучилж анх Бомбайд байрлах аж үйлдвэрийн конглемерат МТ-ийн үйлдвэрлэлийг эхлүүлжээ.

Тухайн үед Энэтхэгийн ЭЗ нь төрийн хяналтанд байсан бөгөөд төр 1970-аад оны турш программ хангамжын үйлдвэрлэлийг дэмжихгүй байсан байна. Импортын тариф өндөр байсан (техник хангамжинд 135%, пронрамм хангамжинд 100%) төдийгүй программ хангамжын салбарыг “үйлдвэрлэл” гэж үздэггүй байсан учраас экспортлогчид банкны санхүүжилтийг авах эрхгүй байв. 1984 онд Ражид Гандиг ерөнхий сайд болоход ЗГ-ын МТ-ийн салбар дах бодлого нь өөрчлөгджээ. Түүний гаргаж ирсэн Шинэ Компютерийн бодлого нь энэ салбар дах олон бодлогын чанартай асуудлыг өөрчилөхөд чиглэгдсэн байна. Үүнд: техник хангамж болон програм хангамжын импортын тарифыг 60%-иар багасгах, программ хангамжын экспортыг  “хүлээн зөвшөөрөгдсөн үйлдвэрлэл” гэж үзэх өөрөөр хэлбэл цаашдаа банкны санхүүжилт авах эрхтэй болох мөн Ражийн зөвшөөрлийн лицензийг хүчингүй болгох,  гадаадын пүүсүүдэд бүрэн өмчит компани байгуулах зөвшөөрөл олгох, экспортын зориулалтын нэгж болон програм хангамжын сүлжээ парк байгуулах төсөл. Эдгээр бодлого нь Энэтхэгт дэлхийн жишигт хүрсэн МТ-ийн үйлдвэрлэлийг хөгжүүлэх суурийг тавьжээ.

Өнөөдөр  Consultancy Services (TCS), Wipro, Infosys, HCL et al гэх мэт энэтхэгийн мэдээлэл технологийн компаниуд нь дэлхийн зах зээлд өөрсдийн мэдээлэл технологийн ур чадвараар танигдсан юм. Энэтхэгийн МТ-ийн салбар дэлхийн түвшинд ийхүү хурдацтайгаар гарч ирснийг хэд хэдэн чухал хүчин зүйлсүүдээр тайлбарлаж болох юм :

• Энэтхэгийн боловсролын тогтолцоо– Энэтхэгийн боловсролын тогтолцоо нь математик болон шинжлэх ухааны салбаруудад онцгой ач холбогдол өгдөг ба үүний үр дүнд олон тооны шинжлэх ухааны ажилтан болон инженерүүдийг төгсгөн гаргажээ.
• Өндөр чадвартай хүний нөөц – Энэтхэгийн программчид өөрсдийн хүчирхэг техникийн болон задлан шинжлэх чадвараараа мөн байнгын бэлэн байдлаараа үйлчлүүлэгчиддээ танигдсан байдаг. Түүнчлэн Энэтхэг нь хамгийн олон англиар ярьдаг мэргэжилтнүүдтэй улс юм.
• Өрсөлдөхүйц үнэ – Барууны орнуудтай харьцуулбал Энэтхэгийн программ хангамжын салбарын хөгжил болон бусад үйлчилгээний үнэ нь үнэхээр өрсөлдөхүйц байдаг.

Сүүлийн хэдэн жилүүдэд Энэтхэгийн МТ-ийн салбар маш хурдацтайгаар хөгжсөөр л байна. Банглор, Хидерабад, Гургаон гэх мэт газрууд нь олон улсын МТ-ийн анхаарлын төвд аль хэдийн орчихоод байна. Банглор,  Хидерабад, Ченнай, Пүнь,Гургаон гэх мэт газруудад хэд хэдэн Мэдээлэл технологийн паркууд байгуулагдчихсан ба эдгээр паркууд нь Силикон Воллигийн төрлийн дэд бүтцийг санал болгож байна. Энэтхэгийн МТ-ийн үйлдвэрлэлийг хүчирхэгжүүлж буй хүчин зүйлсийг авч үзэхэд Энэтхэгийн амжилтын түүх дөнгөж л эхэлж байна.

Б.Сувд

Энэтхэгийг хараад л ингэж бодлоо…

Өөрчлөгдөн шинэчлэгдэж буй өнөөгийн дэлхий биднээс хамтран ажиллаж нэг шийдэлд хүрэн нэг дэлхий болохыг шаардаж байгаагаа өдрөөс өдөрт харуулж буй мэт. Дэлхийн дулаарал, сансар огторгуйн асуудал. Байгалийн давагдашгүй хүчин зүйлийн нөлөө, цэвэр усны нөөцийн хомсдол, дэлхийн эрдэс баялгын нөөц дуусаж байгаа зэрэг бидний ирээдүйд тохиолдох нь аль хэдийн тодорхой болчихсон олон хүчин зүйлүүдийг яаж шийдвэрлэх вэ?
Тэгэхлээр үүнээс гарах арга замыг дэлхийн улс гүрнүүд хамтран тохиролцож байж л олно. Энэ тохиолдолд улс гүрнүүд өөрсдийн ашиг сонирхлоо хойш тавин “НЭГ ДЭЛХИЙ” болох шаардлагатай болж байна. Магадгүй зарим нэгэн судлаачдын бичиж байгаачлан “эзлэн түрэмгийлэх” шинж чанартай Геополитикийн шинжлэх ухааны үнэ цэнэ өдрөөс өдөрт буурч буй мэт санагдана. Гэвч нөгөө талаас угаасаа л хүн хүндээ чоно гэдэгчлэн дэлхийн улс гүрнүүдийн удирдагчид өөрсдийн ашиг сонирхлоо хойш тавих нь юу л бол.
Манай Монгол шиг жижиг улсын хувьд их гүрнүүдийн геополитикийн бодлогын шатрын хүү тоглоомын гүрэн болчихгүйн тулд эхний ээлжинд ядаж л геополитик гэж ярихаасаа илүүтэй эдийн засгийн чадавхиа нэмэгдүүлэх шаардлагатай болж байна.
Геополитикийн хувьд ашиггүй байршилд байрладаг манай улсын хувьд өнөөдөр 2 хөрш маань хэдхэн хоног хилээ хаахад л ихээхэн хэмжээний хохирол амсдаг болохоо хэдхэн жилийн өмнө мэдэрч байсан. Тэгэхлээр миний бодлоор энэ 2 хөршөөсөө үл хамааран, ядаж л арай бага хамааралтай болон оршин тогтнох нэг арга бол КИБЕР орон зайд амь бөхтэйгээр байрших явдал юм. Өнөөгийн хавтгайрч буй дэлхий ертөнц дээр Мэдээлэл технологийн салбарт бид яагаад тэргүүлэгч нь болохын төлөө явж болохгүй гэж.